Istanbul je prošle godine posjetilo 20,2 miliona turista, što ga je, prema istraživanju tržišta „Evromonitor internešnela”, stavilo na prvo mjesto, kao najposjećeniji grad na svijetu.

Tokom prošle godine najviše turista koji su posjetili ovaj grad, inače smješten na dva kontinenta, bilo je iz Velike Britanije, ali i iz cijelog svijeta.

Na listi najposjećenijih gradova u prošloj godini prema ovom istraživanju na drugom mjestu je London, pa Dubai, a onda slijede Antalija, Pariz, Hongkong, Bangkok, Njujork, Kankun, Meka.

Kako je navedeno u istraživanju, Istanbul je najveći grad u Turskoj i jedan od najvećih gradova na svijetu. Nalazi se na oba kraja Bosfora, koji razdvaja Evropu od Azije. Grad ima bogatu istoriju, budući da je bio prestonica Rimskog, Vizantijskog i Osmanskog carstva.

Savremeni Istanbul je živopisna metropola sa dinamičnom kulturnom scenom, raznolikom populacijom i naprednom ekonomijom.

 Služi kao glavni centar finansija, trgovine, turizma i kulture u Turskoj i regionu. Grad je takođe poznat po svojim živopisnim pijacama, ukusnoj kuhinji i aktivnom gradskom životu.